ياحجاب لمني فالهوى والحب تكفى ياحجاب

[عبدالله بن حديجان]

(*) على شرف حجاب بن سعود السميري

الجادل اللي غربت غابـت ولاشغلهـا الحسـاب=وانـا بعـد غيبـة معاليهـا تعذرنـي الـدروب
العيطموس اللـي محبتهـا عـذابٍ فـي عـذاب=اللي تحب وقلبها كنـه علـى الحـب مغصـوب
يامـل قلـبٍ كـل مايطـري عليـه الحـب ذاب=يذوب لامنه عرض له هاجـس الغـرو العـذوب
الجادل اللـي مـن دلعهـا ماتمـل مـن العتـاب=وانا ليـا عاتبتهـا قالـت : يابـو قلـبٍ لعـوب
ياحجاب لمني فالهوى والحـب تكفـى ياحجـاب=عشان اطيعك واحتسب لومـك ولونـه شحـوب
اذن يابـو قلـبٍ معلـق فـي منـارات الغيـاب=ياعل من غاب وتغرب يسمع الصـوت ويتـوب
البارحه عديت في راس الطويـل مـن الهضـاب=وعديت لي خمسه وخامسهم مع الناس محسـوب
امسى فؤادي شايبٍ منهـك وانـا كلـي شبـاب=كلي شباب ومنهـك فـوادي مسرينـي شبـوب
ينبض بحب اللي خذت فالقلـب حـق الانتخـاب =شغموم عذراً ماتنـام الا علـى نبـض القلـوب
راحت وجات / وجيت ثم راحت وانا صدري هباب =عابـر سبيـل ٍ ماجمعـت الا الغبينـه والذنـوب
ياويله امن الله يوم القـاه فـي يـوم الحسـاب=المترف اللـي ينحـر افـوادي عنـاد ولايتـوب

[نواف السعدوني]

أنــشد أنها مصــافحه تطيب الخاطر



الله عليك

والله على قافك

صح ألسانك واعتلى شــانك


وانا اخوك


تحيتي لك ولقلمك



ألســعدوني

[عبدالله بن حديجان]

المشاركة الأصلية كتبت بواسطة نواف محمد السعدوني

أنــشد أنها مصــافحه تطيب الخاطر



الله عليك

والله على قافك

صح ألسانك واعتلى شــانك


وانا اخوك


تحيتي لك ولقلمك



ألســعدوني

رد ود

وجودكـ كبير ومتأجج بالوفاء
انت تكرمني اخي بكل صدق
تسلمـ ويسلمـ قلبكـ
اتمنى اكون عند حسن ظن الجميع
اترككـ بود

[سليمان العقيل]

صح لسانك وتسلم يمناك ياعبدالله

حضور متألق جدا واروع من رائع


تحياتي لك ولقلمك المبدع

[بسـام بن عبدالعزيـز]

عبدالله بن حديجان



صح الله لسااانك ورفع شانك

قصيدة من الوزن الثقيـل

تسلم يمينك .. ولا هنت



احترامي

[وحيدة المشاعر]

الشاعر عبدالله بن حديجان ..

صح لسانك مليون ..

قصيدة اكثر من رائعه ..

تسلم يمينك على هذا الابداع ..

وبمعنى الكلمة قصيدة غاية بالجمال ..

دمت لنا بغاية التالق والجمال ..

وتقبل مروري المتواضع ..

مع خالص تحياتي ..

وحيدة المشاعر

[التميميه]

صح لسانك ولاهنت

ابيات في قمة الروعه

[حماد القريني]

صح لسانك وجاد نظمك

لاهنت ولاهان راسك

تحياااتي

[غريبة دار]

اخي عبدالله بن حديجان

صـــــــح لسانك و سلــــــم بنانك

قصيــدة ولا اروع من شــــــــــــاعر رائع

تحيــــــــاتي لك

اختـــك غريـــــــــــبة دار

[محمد الفرحان]

.

.


متعدد المواهب

عبدالله بن حديجان

.

.

اهلا وسهلا بك في منابع الشعر والأدب وكلنا سعاده

بتواجد هذا الاسم بيننا وعسى ان تجد لدينا مايكون

دافعا" لك لتقديم الجديد والمميز وكل ماهو معهود

منك ويكون سببا" في طيب وطول اقامتك بيننا .

والشكر كل الشكر على تشريفي بقبول دعوتي والتواجد

في هذا المنتدى الذي يفخر بمعانقة إبداعات المميزين

أمثالك . .

وياهلا بك ومرحبا بين اهلك واخوانك ومكانك العيون

والقلوب قبل المنتدى . . .

.

.

حضور للترحيب وسيكون لي عوده ان شاء الله

.

.


تقبل فائق تقديري واحترامي