لو التمنّي!!

[الكايد]

السلام عليكم ورحمه الله وبركاته
مشاركه اتمنى ان تنال على اعجابكم

لو التمني ينفع اللي تمنا
شفت البشر في حال ماهو بهالحال

تلقى البشر مافيهم اللي يونا
وتلقا البشر امورهم عال فالعال

وتلقى الرجل من حالته مايكنا
والدمع من عينه تو مابعد سال

ولو التغلي ينفع اللي طعنا
شفت البشر مابين نازل ورحال

مير التغلي ما يسمى بفنا
اسمه كلام اطفال او لعب جهال

ولو الحسود يروح ويسج عنا
محدن يجر اذنه على القيل والقال

وتلقى الرجل في عيشته مرجهنا
مريحن راسه من الحسد والفال

وشفت الرجل ماحد سيفه وسنا
مصلي وصايم وعلمه بلا جدال

وسلمتو..

[قديم الشوق]

أخي الكريم / الكايد

صح لسانك شاعرنا

قصيدة جميلة ومعبرة من شاعر ننتظر منه الكثير

ولي ملحوظة على هذين الشطرين :


والدمع من عينه تو مابعد سال

مريحن راسه من الحسد والفال


ففيهما اختلال في الوزن

كما أن الشطر الثاني منهما غير دقيق في معناه

نتمنى أن يكون القادم أجمل

والله يعطيك الف عافية

وتقبل فائق تقديري واحترامي

[الكايد]

اخوي قديم الشوق شكرا على الملاحظات
وانا اتعلم منك طال عمرك
شكرا على المرور

[العف الخجول]

صح لسانك اخوي
وسلمت يداك
واصل تالقك معنا في المنتدى
لنتمتع بكل ماسيجود به قلمك
تحياتي لك

[رفا الود]

المشاركة الأصلية كتبت بواسطة الكايد

ولو الحسود يروح ويسج عنا
محدن يجر اذنه على القيل والقال

اللهم اكفنا شر كل حسوود

صح لسانك

[الكايد]

صح بدنك وحضورك شرف

[مشاهد العتيبي]

الكايد

صح لسانك قصيده رائعه

لاهنت ياخوي

تقبل مروري

[بسكوته]

يسلموعلى الطرح
دام لنا عطااائك وتميزك
:::: :::: ::::