==== ادعي لك الله من الصدمات ياروحي ===

[عبدالله بن راجس]

ياعزتي لك من الصدمات ياروحي = والله اني اجحد على شانك وانا اوحيها
على كثر ما أطلب لك وانت ماتوحي = لعل روحي فداء لعيون مغليها
لازادة جروح قلبك زادة جروحي = يالله عسي الي جرح نفسك يداويها
أطمح لدنيا السعاده وابني صروحي = دنيا الفرح ماتجي من غير بانيها
حقيقتِ مختفة من سري وبوحي = وانتي اليابان لك وجهي عرفتيها
الد بالعين صوبك وأطلق شبوحي = إشبوح بوح الغلا من غيرك أخفيها
ماحب اطالع فريد الحسن مطروحي = من رميةِ مالك الاملاك راميها
لو إن إعيوني تفوح من الأ سئ فوحي = لاجة من الله فأنا مؤمن وراضيها
يابو خدودِ لها ليل الدجاء ضوحي = إليا إن ثنت غطوت الشيله وزحتيها
ليابعد كل زين وكل مملوحي = مضارب القلب خظرِ من نزلتيها
وكتاب قلبي مابين يديك مفتوحي = سادس سنه قد مضة هاذي تواليها
فالواجبات التخلي غير مسموحي = أحقوق الاحباب توجد عند راعيها
وتدرين لاغرد القمري على الدوحي = أعيش أهازيجها العذبه ولاحيها
لاياعيون أشقرِ يكسر على الوحي = ماشاف برق الجناح الى ثعا فيها
لاشاف جول الحباري كنه مشفوحي = صوايده من صدور الربد يدميها
حبيت اداعبك واسليك بمزوحي = حاجات فالروح وادري بك فهمتيها
لاصرت غالي وماجاء منك مدموحي = ادري لياجات من صوبي دمحتيها
وانا اليا اوحيت منك الصوت مبحوحي = مترك وسيله على شانك مسويها
لولا الغلا مابقى فالكون مصلوحي = الحب يحيي ثمر كبدي ويرويها
وأدعي لك الله من الصدمات ياروحي = جابر كسور القلوب وباخصِ فيها

[قديم الشوق]

الد بالعين صوبك وأطلـق شبوحـي
إشبوح بوح الغلا من غيرك أخفيهـا

ماحب اطالع فريد الحسن مطروحـي
من رميـةِ مالـك الامـلاك راميهـا

لو إن إعيوني تفوح من الأ سئ فوحي
لاجة من الله فأنا مؤمـن وراضيهـا


أررررحب يا ابو راجس

صبحك الله بالخير

وصح لسانك على هالشامخة

قصيدة جزلة من شاعر جزل ومتمكن

الله يعطيك ألف عافية

وفي انتظار المزيد من هذا الجمال

وتقبل فااائق تقديري واحترامي

[العف الخجول]

صح لسانك شاعرنا
وبإنتظار الجديد القادم

[الكايد]

صح لسانك يابو راجس قصيده كل بيت اجمل من الثاني

[صمت الرحيل]

صح لسانك اخوي عبدالله
قصيده اكثر من رائعه
دمت ودام احساسك
دمت بود وسلام

[مشاهد العتيبي]

الشاعر الكبير عبدالله بن راجس

صح لسانك مدد بلا عدد

قصيده جميله ورائعه

تقبل مروري

[ذكريات]

اعلن مصرعي ...يا الله ما هذا الابداع...يا تبارك الله عليك يا أخي راجس...يا للروعة....لا اقدر على التعليق ...الفم مني مكمم...جف منو الريق....والكلام عني ضايع....والقلم جافي صايع...لك اعجابي

[ذكرى للأبد]

صح لسانك
أبيات جزلة
لاتحرمنا جديدك

[بسكوته]

ابو راجس حلوه كتير