((( دمـــــار شــــــامـــــل )))

[عبدالله عزيز]

البارحه مادريت انك على بالي = لين انتفض قلبي وضاقت به ركونه
طاريك مثل الكرى للعين ياغالي = يحتّل عقلي ويشتت كل مخزونه
ياكثر ماردد اسمك يابعد حالي = وغيرك مايطري عليه لين يطرونه
بالله وين اللي قال انه غدا سالي = خله يعلمني كيف الصبر وشلونه
الصبر دونك ترى طعمه ماهو حالي = تفاح قربك ولا فرقاك وليمونه
اشتاق لك مثل شوق الهارب الجالي = اللي جلا ثم فقد داره ومضنونه
واشتاق لك شوق مسلم يطلب الوالي = وده يصلي في ظل القدس ويصونه
انا اشهد ان الفراق بكل الاشكالي = دمار شامل على العاشق ومفتونه
اقول خالي وماني والله بخالي = من كثر شوقي اخاف أبيح مكنونه
لاتنشد اللي عشق بالله يا غالي = ناظر عيونه وتعرف كل مضمونه
والبارحه مادريت إنك على بالي = لين انتفض قلبي وخابت له ضنونه

[فهد الدباسي]

عبدالله عزيز


فخرٌ لي أن أكون الأول هنا


مرحباً بك و بـ هذا النص الفخم


شرفتنا بـ حضورك و شعرك و شعورك



صح لسانك و لاهنت

تقبل تحياتي

اقول خالي وماني والله بخالي
.............من كثر شوقي اخاف أبيح مكنونه
لاتنشد اللي عشق بالله يا غالي
..............ناظر عيونه وتعرف كل مضمونه
والبارحه مادريت إنك على بالي
..................لين انتفض قلبي وخابت له ضنونه


عبد الله عزيز


رائع جدا ومبدع

صح احساسك ولسانك

ولاهنت مدد بلاعدد


نغم

[نواف السعدوني]

عبدالله



الله عليك


رائع بكل ماتعنيه الكلمه


صح السانك وبووحك ولاهنت


تحيتي لك

السعدوني

[رنين الماس]

سلمت وسلم نبضك على النص الراقي

سجل اعجابي ومتابعتي ولك تحياتي



رنين

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[أحمد الجعيد]

.
.

العزيز /
عبدالله عزيز..

تجعل من القصيدة
لوحة

تأسر الأعين

صح قلبك / كلك

.
.

ودمت بحب...//

[بسـام بن عبدالعزيـز]

عبدالله



صح لسااانك

كنت هنا مع .. الدمار الشامل

واستمتعت

لا عدمناك



احترامي

[حماد القريني]

صح لسانك وجاد نظمك

لاهنت ولاهان راسك

تحياااتي

[فيصل العمري]

بيض الله وجهك

وصح السانك

تحياتي