مادمت ضدي

[شوق البراري]

ما دمت ضدي وش بقى عقبكم ضد
وشهو بقى من قوت صيفي لشتواي؟!
قاللي بقى لك شي واقف على الحد
شين يكسر إصبع تعزف الناي
قلت النهار اشلون مع الليل ينعــد
وشلون تخلط مايتي بماية الشاي؟!!
قاللي لعبت ولعبتك صايـرة جد
خربت قدري وجبت لي كل بلواي
قلت البلى أسمع صواعيق هالرد
الغرب تسبقني ونا قبلها جـــــــاي!!
قاللي سبقك اللي على هامته ورد
اللي سندني طول ماني بدنياي
قلت السند ياخوي ماهو على الورد
الورد يذبل ..ماذبل صخر شرواي!!
قاللي تخير وش تبي نوعة الشد
ودك هجر ولى تبي ذبح يمناي؟؟؟؟
قلتله حرامن تهدم السد بالسد
ون كان لازم !!( موتتي أقرب مناي)
مابي أشوفك شوفة العين للند
(أبرك تصير بدنيتي شي منساي)

[قديم الشوق]

شاعرتنا القديرة / شوق البراري

صح لسانك على هذه القصيدة الجميلة

والمشاعر المليئة بالشعر

فقط لي هذه الملحوظات :

قلت النهار اشلون مع الليل ينعــد

فـ (مع ) تسببت في كسر البيت لكن لوقلتي مثلا ً :

( قلت النهار اشلون و الليل ينعــد)

لاستقام الوزن

وهنا :

قلتله حرامن تهدم السد بالسد

يوجد ثقل في (قلتله)

وهنا :

قاللي تخير وش تبي نوعة الشد

فقد استخدمت ِ أسلوب التذكير وأنتي أنثى وهذا مما يضعف بناء القصيدة

كذلك كلمة (نوعة) كلمة غير مناسبة وزادت في إضعاف هذا البيت

وهنا :

(أبرك تصير بدنيتي شي منساي)

فكلمة (منساي) غير مناسبة هنا وفيها (عسف) للكلمة

فما معنى (منساي) مثلا ً ؟

أنا أعرف أنك تقصدين شي نسيتيه ولكن التعبير عنها بكلمة (منساي) غير مناسب

أتمنى أن يتسع صدرك لهذه الملحوظات التي لا تقلل من جمال القصيدة

وفي انتظار المزيد من هذا الإبداع

وتقبلي فاائق تقديري واحترامي

[شوق البراري]

أخي قديم الشوق
أرحب بجميع ملاحظاتك الطيبة
ولك مني كل الشكر والتقدير