جيت أسلم واعس الارض والله خبير .. الطارف سديد يا النشاما

محمد الأسمري · 02-01-2006, 12:46 AM

سلام يا أهل الكرم والطيب والواجب= يا هل منابع ولاعن طيبكم حاجب
والعين والعين .. ما تعلا على الحاجب= والناس بالناس والأرزاق بيد الله

يا سلامي على لأعضا وليما المدير=ردة الشاعر اللي يصرف اجزالها
جيت أسلم واعس الارض والله خبير= عالمٍ بالضماير عارف احوالها

ذعار بن محمد · 05-01-2006, 06:29 PM

يامرحبا والقمر مبداه من نوره=بالشاعر اللي يشرفنا من حضوره
والنفس لاشك منهيه وماموره =والناس للناس والارزاق عند الله

مرحبا مرتين وجعل فالامر خير = عد مبدا المزون وعد همالها
احتزم مير ميّز للرحا المستدير = يطحن الحب وانته لاتجي جالها

محمد الأسمري · 07-01-2006, 02:13 PM

الك البقا وانت شاعر طيب الفالي=متميزٍ بين مرواحه ومقبالي
والسوق يا ذعار فيه الرخص والغالي=والناس باالناس والارزاق عند الله

البقا والجمل سمحان جاله هدير = عجل .. والله يجازي الناس بأعمالها
لو تحزمت جالك شهقةٍ مع زفير=يا عميلٍ على راسه بيشتالها

محمد الفرحان · 07-01-2006, 02:25 PM

.

.

ياسلام على شعراءنا

محمد الأسمري وذعار الدعجاني

.

.

طاروق كايف وموعد مع المتعه

ماسك الصف ورا محمدالاسمري

.

.

صفوف ياهل منابعنا

والليل الليل

.

.

محمد الأسمري · 07-01-2006, 03:01 PM

محمد الفرحان

ارحب يالقرم

صح بدنك وانا اخوك

حضورك شرف يالغالي

وأتنومس ليصرت بصفي

لك كل التقدير ..

ونبي الصفوف تشيل وينهم ما شفنا شي ..!؟ المحاورة لها 6 ايام

لكن الخير بقبالك وانا اخوك

لك كل تقديري ومودتي

فهد الدباسي · 07-01-2006, 11:23 PM

محمد الأسمري

ذعار بن محمد

الله الله

طاروق رايق و شعراء كايفين

واصلوا

بصفك يا ذعار ولا هنت يا محمد

ذعار بن محمد · 08-01-2006, 01:20 AM

الشاعر اللي علانا فتل اشنابه = يالله سترك يبين الخبث بكتابه
والطير مايشبعه ياكود مخلابه = والناس للناس والازاق عند الله

المعاني تبا شاعر محنك خبير = وانت يالاسمري واظن تبرالها
استرح يامحمد وانتبه لاتطير = لاتهوز الطويله ماانت ترقالها

ذعار بن محمد · 08-01-2006, 01:22 AM

مرحبا

ابومفلح ماعلي منك خلك بصف الاسمري وان قاله الله لااتسويك هههههههههههههههههه

فهد الدباسي

حياك ياتاج راااسي

وتواجدك بصفي يشرفني يابعدي

الاسمري اعجل علانا وخل نارك حيه

تحياتي

محمد الأسمري · 08-01-2006, 11:58 AM

فهد الدباسي .. ارحب يالقرم

حضورك قمة .. يا الوافي

لاهنت

حياك الله أخوي ذعار ..

وأستلم لاهنت

الشاعر اللي تلاحي يعرف ادروبه=وإن كنت جاهله فالعربان يدروبه
يا صاحبي لا تناور وأطلب التوبه=والناس للناس والازاق بيد الله

لا تمدح ومثلك في المواقف صغير= عوذ من شجرةٍ الزقوم وأظلالها
لو نلف الحبل حولك يجيلك صفير= والقصيره قصيره لو تهايالها

ذعار بن محمد · 09-01-2006, 03:06 AM

الله يرحمك يافيصل بغفراني = حررت ناسٍ وعاشوا وسط اوطاني
الله يقلع وياخذ أهل جيزاني = والناس للناس والارزاق عند الله

لاتطول السوالف وانت حبلك قصير = امكم تاكل اللقمه من اعيالها
استلم ماكتب لك بعد جاك النذير = خل عينك لفرخ البط تحدالها

لوحة التميّز الشهري (قريباً)

قريبا	قريبا	قريبا	قريبا	قريبا

الذين يشاهدون محتوى الموضوع الآن : 1 ( الأعضاء 0 والزوار 1)