يا خليل الشبرمي

[محمد الدايل]

	بسم الله الرحمن الرحيم اسعد الله جميع اوقاتكم وكل عام وانتم بخير اطلعت على قصيدة الشاعرالغالي /خليل الشبرمي والتي نشرت في جريدة الجزيره تحت عنوان (براق الغمام) في زاوية بصمه وقد تسللت بحرفنة ابداعية الى اعماقي وفعلت ما فعلت الله يبيحك ويحللك يا خليل.... وهذه مجارة متواضعه لتلك الرائعه ارجوا ان تصل اليه يوماً وهوا في اتم الصحة والعافيه وان تستحسنوها

يا خليل الشبرمي شح براق الغمام=واندفق همي بقلبي وهي بطمونها
نغثرت قلبي وذيك الذكريات القدام=قبل بقعا تسحب للحظوظ بطونها
اه من مرن تزوعه كبدي بحتدام=قمت اتواما وروحي تجر اردونها
واصطفق موج المشاعر بقلبي بظطرام=واجهش الصدروطفح رمشي وسط جفونها
يوم ان ترف القدم قد قلبي بالحسام=واعلن لحالي دمارن يجيب اركونها
يا همالالي عقب كنت في القمه سنام=صرت دونه وفق ماترجمته اضنونها
ما تخاف الله تقول انتهينا والسلام=يا الله الخيره على جثتي يبغونها
كله غدا من هله ودهم مسك الختام=ما دروا بي هي نظر عيني لو يطفونها
غصة بالقلب مير اتقي الله الحرام=والا حبه بقلبي باينات خبونها
الجنون اللي بقيس الملوح والهيام=فيني الى الدفنه ابدقها وفنونها
يا خليل الشبرمي لايمك جعله يلام=لاصار جاهل ولا يدري وش هي شطونها
الهوى لا دبرةٍ به ولا عقل استقام=يجعل شيوخ القبايل تزوغ ذهونها
انتهينا وقلبي ما عقبها يوم حام=لين صادت عيوني بصمتك والحونها

[سـعـد الحويماني]

غصة بالقلـب ميـر اتقـي الله الحـرام
والا حبـه بقلبـي بايـنـات خبونـهـا
الجنون اللـي بقيـس الملـوح والهيـام
فينـي الـى الدفنـه ابدقهـا وفنونـهـا
انتهينا وقلبـي مـا عقبهـا يـوم حـام
لين صادت عيونـي بصمتـك والحونهـا


عندما يختلط صدق المشاعر مع الحرف الصادق يكون
البوح رائعا بل في منتهى الروعة 000



نص يموج بعطاء ووفاء ....لايعرفه الكثيرون في هذا الزمن ...
دمت تستلهم الإبداع وتنثره مطرزا بالأمل ...

[محمد الدايل]

الغالي سعد الحويماني سلمه الله

اشكر لك مرورك وتتويجك هذه المشاعر

سلمت وسلم بنانك

تقديري التام وفي رعاية الله

اخيك/ محمد الدايل (الوارد الضامي)

[بسـام بن عبدالعزيـز]

محمد الدايل



صح لسانك

كفيت ووفيت يالقـرم

ومشكور على وضعها هنا لنستمتع بقرائتها



احترامي

[محمد الفرحان]

.

.

مرحبا بك يامحمد وحياك الله

بمنتداك والساعة المباركة تواجدك

بيننا . .

وبالتأكيد :

ستصل هذه الرائعة الى الشاعر والناقد

خليل الشبرمي فهو معنا بهذا المنتدى

وهو احد شعراءه المميزين . . .

.

.

حضور على عجالة وسيكون لي عودة

ان شاء الله .

.

.

دمت ودام حضورك

.

.

تقبل فائق تقديري واحترامي

[خليل الشبرمي]

أخي الفاضل الشاعر
محمد الدايل
كل عام وأنت والجميع بخير
صح لسانك
صح لسانك
صح لسانك
ولك جزيل الشكر .. ووافر المحبة .. وصادق الود
على هذه المجاراة الرائعة والعذبة والجميلة ،
وعلى لطفك وتواضعك ونبلك ودماثة خلقك ،
وهذا كله بلا شك ليس بمستغربٍ من شخصك الكريم ..

أخي ـ محمد ـ القصيدة التي ذكرت سبق وأن نشرتها في
هذا الصرح الأدبي الشامخ ( منابع ) تحت عنوان ( ياسعد )
وهذا هو عنوانها الأصلي عندما نُشرت في جريدة الجزيرة قبل 8 سنوات ،
وللعلم فقد نشرت في المرة الأخيرة ناقصة وفيها بعض الأخطاء والتغييرات ،
وهاهي كاملة :

ياسعد وش شاف مجنون ليلى بالغرام =أشهد انه وان بِلِي بلوته ياهونها
ياسعد ليلاه وان مات فيها مستهام =تدري انه بالهوى ياسعد مجنونها
المصيبه من غدى ميتٍ له كم عام = عشقته ماتدري انه قتيل عيونها
قرهدت نفسه عليها ومرّ الكبد زام =ودوك قلبه ياسعد مزّعته طعونها
ياسعد والله يالولا الولي واخشى الملام =والقرابه والحيا والهوى وجفونها
لاانهبه وانحاش واجلى جنوب ديار يام =ما يردن لو وقف جيش هتلر دونها
ياسعد راع الهوى بالهوى لاضيم شام =مايرده طول بيبانها وحصونها
وان غوى راع الهوى في هواها مايلام = لااجتمع غبن الزمن ياسعد وغبونها
ياسعد هي منوة اللي تمنى والمرام = لعن ابو حظٍ قصر ياسعد من دونها
أسمع الرعاد واخيل براق الغمام = بس مادري ياسعد وين وبل مزونها
ياسعد والله فلا اسلى هواها لاحرام = لو يلوح الشيب في لحيتي وقرونها
وخذ وصاتي ياسعد وصلّه بنت الحشام = ذي وصاتي كان غيري غدى مظنونها
لا شرت ثوب الفرح تشتري لي باع خام =يدفنوني ليلة العرس ويزفونها

تقبل فائق احترامي وتقديري .. وصادق مودتي ..

[محمد الفرحان]

.

.

هنا رابط قصيدة الشاعر خليل الشبرمي بمنابع الأدبية

وعنوانها :

يـا سـعـد ...!!!

http://www.manab3.com/vb/showthread.php?t=863

[مزون المحمد]

محمد الدايل


تواجد يشعرنا بالفخر بلا شك


حرف راقي سعدنا بمصافحته


صح لسانك ولسان الشاعر خليل الشبرمي


لاهنت على الحضور

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[محمد الدايل]

الاخ العزيز/ بسام بن عبدالعزيز

اشكر لك مرورك واتمنى ان اكون عند حسن ذاتك والاخوة الاعزاء

تقديري التام

وفي رعاية الله