[نايف المقاطي]

لقلوبكم

على كثر السحاب اللي ترازم في سماي وقر=انا ماقط لديتله ولّا قمت خايلته
وهذا طبع من جملة طبوع ماتظر تسر=وكلٍ في زمانه حسب طبعة حث راحلتة
لكنه في نهار السبت وقفني وجيت انظر=بعد مالاح براقه يسابق قدم قافلتة
شعاني نوض براقه ورعده فالسما زمجر=بعد جتبه هبوب الريح من منشاه شايلته
تبعته بالنظر حتى تكاسر حولنا وامطر=وهمل ماه من جوفة بشيٍ ماتخيلته
يشيب العقل من وقعه وراع الشوف مايبصر=يضيع الشوف من دونه وتعمي العين هايلته
عديم الوصف مامثله على وجه البسيطة مر=ولا في مقبل الايام ياتي مثل شاكلته

غيمار