الحزن في صوتك أزعج ساكني=لين صار الكون من حولي حزين
غصب عني حزن صوتك هاجني=لين خلى عاصي المعنى يلين
وامتثل حرف القصيد وعادني=وإنسكب حزنك على شعري حنين
شلت أنا صوتك وحزنك شالني=أكتم الصرخه وينساب الأنين
شفت حزنك كيف حزنك شافني ؟=كيف داهم خلوتي في لحظتين ؟
طير . أنا مثلك زماني ضامني=جرحتني مثلك سيوف السنين
صابك اللي من زمانٍ صابني=في معاليق الحشا جرحه دفين
كلما ودعت همٍ زارني=من عذاب الوجد بياح الكنين
الفرح عقب الصداقه هابني=خافت البسمه على وجهي تبين
طير ياللي صوت حزنك هاضني=الله اللي ينتصر للصابرين
7
7
7
قصيدة اعجبتني
للامير الشاعر : خالد الفيصل
ارجو ان تعجبكم