باقي التفااصيل مابين الامارة وشرطة النسيم
ياريس التحرير بحساس مظلوم
ان كان للمظلوم نصره خذوني
انسان في سيره مهدد وملزوم
وافد سعودي رحلوه افهموني
انا سعودي ليش ماني بمحشوم
وين الكرامه ياعرب علموني
عشرين مره بالخفرات محزوم
وقضتي تكبر وتكبر جنووني
ياكاتبين وبالصحافه لكم قوم
انا دخيل الله وصل اوصلوني
بالحق وثبات وبراهين وعلوم
تصفحو استعلمو ونقذوني
كان السعودي له وطن حق مرسوم
وباقي كرامه للمواطن عطوني
ياريس التحرير من قلب محموم
ومن خاطرن مكسور كذا تكوني
اهل القرار الي لهم امر مرسوم
من دونهم حالو وقالو جفوني
شمس النهار تغيب والحق له يوم
يطلع بعد لو العرب كذبوني
وقفت في نقطه وسلمت مكظوم
وطوفت مره مرتين وكلووني
واليوم كان اقلامكم حق معلوم
لاهل القرار اطلب توجه عيوني
لعبه كبيره خلفها سر مكتوم
من يوم لترحيل بقيد اوصلوني