[مشاعل ابراهيم]

المشاركة الأصلية كتبت بواسطة التميميه

عندما يبلغ الحب حد الجنون
تبلغ الغيره حد الجنون

اشكك في غرامه دوم /أنشف ريقه ودمه=تعذب قلبه اوهامي وانا ظنوني تعذبني
محال اليوم يمر بدون زعل لايمكن اتمه=غصب اخلق مشاكل له واجننه ويجنني
اجي واحوس له جوه وازيد بهمه وغمه =واذا هو اشتكى ابكي واقول انك ماتفهمني
يحاول يبتسم لكن يقول الاه من همه=يقول ارجوك ابي افهم وش المطلوب بس مني
عطيتك قلبي وروحي واحبك واعشقك جمه=ولاغيرك ابد انسان يبعثرني ويلملمني
تشوف العين ومهما تشوف مكانك باقي بالقمه=وحيده داخل فوادي ومنك الشك متعبني
دخيلك افهمي حبي ماراح اعيد هالكلمه=ترى صبري وصل حده ومابه شي يجبرني
بان اتحمل جنونك واشوفك منتي مهتمه=باني انبسط وافرح وقربك مو مريحني
خفوقي يعشقك وانتي خفوقك مانظر يمه =ذبحني شكك وخوفك ترى طبعك مايعجبني
دخيلك وش به مقصر ابي تقولين واتمه=حلفت الفين ماخونك وقلبك مو مصدقني
صرخت وقلت بعض جنون مثل ماتشتهي سمه =ولكن قلبي متأكد واحس انك ماتعشقني
ويوم ان هلت دموعي بدى يمسحهن بكمه=وقال الحين ابي اسال وابي قلبك يجاوبني
اخذ راسي الى قلبه وقال ابي بهالضمه =تسمّع دقة الخفاق وماتلقاه علمني
وقمت اسمع انا احبك وهو ماقالها بفمه =وعينه تحكي الاحساس اكلمها وتكلمني
ورحت ابكي على صدره وقال الحين بالذمه :=لو اني ماعشقك شاللي على هبالك يصبرني ؟

كنت ابي اختار كم بيت من القصيدة لقيت القصيدة كلها عاجبتني

وربي ابداااع لحد الثمالة

قصيدة اكثر من رائعه يالتميمية

صح احساسك وكلك ولا هنتِ

دمت ِ بألف خير يالغالية