أنـــثـــري مـــلـــحـــك
إنثري ملحك على جــروح القصيـــد = ودي أسمع للشعر صرخـــة عنـــــا
وسولفي عن قصة العشق الفريــــد = كيف أنا ميّت وكيف إنتي بهنــــــا
علميهم قصــة العشــق البعيــــــــد = للغبي اللّي حبك بحلمـــــه وبنـــــا
علميهم صرت عبــد وكنـــت سيــــد = وأفخري بأول ضحيــه كنــت أنــا
علميهم كيف ذوبتـــي الحديــــــــد = بالحروف اللّي نثرتيهــــــا غنـــــا
عن بــــــلادٍ لك بناهـــا بالوريــــد = كيف شيّدهـــا الغبـي لغيره وفنـا
علميهـــــم قصـــة الحــب الوليــــد = والجـــروح اللـــّي تركتيها هنــــا
علميهم كم كسرتــــي هالعنيـــــد = وإفرحي بهذا الجبــــل يوم إنثنــا
علميهم منهو اللي مستفيد = غير منهو يفرحه إن موتي دنا
علميهم مابقـــى غيـــر الأكيـــــد = كيف رمحك بالظهر صاح وطنـــــا
والغبي اللي يزرع الحلم بجليـــــد = مات حلمه ماحصد شــــئ وجنــــا
والقديم اللّي تكـــرر من جديــــــد = حب لكن ناتجــــه خيبـــــة ثنـــــا
وإنثري ملحك على جروح القصيد = خلي أعماق الشعـر تبكي عنــــا
عادل الظفيري وريث الجرح