[عيطموس الطنايا]

اللهم اشرح لي صــدري

الدمعه اللي من البارح أحايلها = بانت على وجنتي يوم انْزلت عيني
من حر مابي عجزت اني أمَهِّلها = وطاحت وحولي انا ناسن كثيريني
حاولت أبخفي على وجهي دلايلها = حاولت لكن عليها عِجْزَت ايديني
يا ضيق صدري ويا ثقله وأنا أحملها = ويا شيب عيني ثقيل الهم طاويني
تضيق الايام في وجهي وأجمّلها = وأقول باكر عسى أفراحه تخاويني
وأشوف أمسي غدا همومه يحوّلها = لأيامي اللي تجي بعده وتشقيني
وأيام حزني تجيني آآه ما أطولها = تمر والله علي بحسبة سنيني
واعيش كني مع العالم وأجاملها = وأنا بصدري أحس بنار تكويني
وأمشي وعقلي مع أفكاره يواصلها = يا طووول بالي على همّي ويا زِيني
هذي حياتي / وهذي هي من أولها =دايم رديه تخاوي حظي الشيني
والدنيا اللي قليله في جمايلها = ما كنها الا عدوة لي تناحيني
بالعون مالي سوى ربن يسهلها = ربن رحومن لخلقه دايم يعيني
يالله رجيتك يا ربي لي تِبدّلها = يالله ياربي يا عالم كل ما فيني

.