السّلام عليكم ورحمة الله وبركاته
مصافحتي الاولى عسى انها اتعجبكم ...
نبضات قلبي معْ طواريق الاشعـار=غنّن .. تمنّن لو يـرد لـي حبيبـي
والزّهر ينبت فوق خلجـان وانهـار=قلبي .. والآقي خشف ريم(ن) قريبي
يجلس يطبّب عوق هالقلب لي فـار=من يوم سار وعاف حزنه عطيبـي
ينقش عليه الفَرح .. يطلب من آثـار=حزن الفراق تشيل قشهـا وتسيبـي
دار الضّلوع ويرجع الورد مغـوار=مفروش فوق حدودها..مـا يغيبـي
وانا المُتيّم بـه أبهـدي لـه سـوار=من شوق حبّ(ن) بالحنايـا لهيبـي
واقطف من فـواده ملاييـن لاثمـار=رمان ..يبري .. تين..مشمش رطيبي
واجلس أدندن معْ عصافير الاشجار=(هذا حبيبي اليـوم رد لـي حبيبـي)
واهدي له ابياتٍ من القلـب تذكـار=بالحبّ ذابـت والغـلا مـن قليبـي
والمس جدايل شعره اللي شرا الغار=سودن وفيهن مسج..عنبـر وطيبـي
كلّي أسجّ هناك مـا بيـن الانظـار=واغرق بصمت العين واغدو طريبي
اطربه باجمل همس منقوش ع اسفار=أسفـار قلبـن بالمحبّـه صبيـبـي
واركض معاه وحولنا كـلّ لازهـار=ترقص وفوق .. السحب تبغى تجيبي
ماين ينعنـش بعضنـا ليـل ونهـار=يدمج حنانـه مـعْ غلايـا وطيبـي
فواز خالد (الناي)