تماوجي ياموجة الود النقي واسترسلي=جوف الخفوق الملتهب بين الظلوع الحانيه
ولياطلعتي فاطلعي مع عرق قلبي وانزلي=هذي حدودك واحذري تنسين للحدانيه
أمري عليك وخالقي بامرة علية معتلي=مادام الي عليك امر بآمر وهذا شانيه
عيشي على ماللة كتب واتقيدي باللي يلي=لو زلزلك شوق الغلا واستنزف الشريانيه
لاتدركك عين العذول وكل عين تلدلي=الناس ماترحم بشر وتلوك فالالسانيه
ولا تحسبينك عايشة بين الورود الهدلي=اليا طرى وصل الغلا تاتين يمه هانيه
الله خلقك بواقعٍ مرٍ وطعمه حنظلي= ماللة خلقك بجنةٍ وقطوفها لك دانيه
عيشى حياتك واثبتي في ماقفك واستبسلي=لاتضعفين ويجرفك بامواجه الطوفانيه
يمكن مع ايام العمر ياتي هناك وينجلي=حزن السنين المجدبة واودع الأحزانيه
واعتاض في نار الفراق اللي صلة قلبي صلي=واهنالي بساعة صفا حيد الحياة الفانيه
غيمار