وضع العرب جبينهم ينداله=وعيونهم من وضعهم مبلوله
حتى الحجر من عينها تدمى له=وعقول من غير العرب مذهوله
تشمت بنا الاعداء والله حاله=تستوجب الوقفه..ولا معقوله
نقعد احد حاكي وحد يحكى له=ولا نحرك ساكنه مشلوله
بعض العرب من ارضها منشاله=وبعضهم من بعضهم مقتوله
القدس تبكي..حالها يبكى له=وحماس طاحت والسبب مركوله
وكلن رئيس احكومته سمى له=والكل ماهم عن وطن مسؤوله
العار واكبر عار هم بظلاله=وكراسي الدوله بهم محلوله
حظ العدو والحظ وحده جاله=وام المعارك كلها منقوله
من ساحته اكيد هو يحلا له=دام العرب باوضاعها مشغوله
وقاداتهم صارو خدم تلجا له=عجيب والله والعجب وش هوله
واهل القضيه ضدها شغاله=ولبيك يا اقصى بقت مملوله
فلسطين هذي والعراق لحاله=مشاكله ماشكلها محلوله
وبوش راكب فوقها وعياله=وارضها بالدم هي مغسوله
شيعي قتل سني وكردي طاله=ماطال غيره والبلد منشوله
احد قتيل وناس له مغتاله=وروس عن اجسادها مفصوله
وحد مسمي قادته اذياله=وحد يقول ومن يصدق قوله
قايد ولكنه فقط في باله=قادة بلد وبيوتهم مقفوله
حراسها من بوشهم منحاله=يعني قياده قايمه مكفوله
ولبنان حاله ياعرب يرثى له=روابطه ماعادها موصوله
تفككت والحل ضاع مجاله=طوايفه ما في لها كبسوله
والحل واضح بس من يسعى له=ويقدمه في صيغةٍ معدوله
وباقي عربنا روسهم فتاله=وشعوبهم من حولهم مفتوله