لا تخفي الاشواق ياكامل الزين = عندي على علم المشاعر فراسه
ان قلتلي وشلون عطني براهين = قلت النظر لا مايبيله دراسه
الشوق بين ياهوا البال بالعين = والعين ماتفضح ترا غير ناسه
انا اعترفلك واعترفلي من الحين = ساعة صفا خله وخل السياسه
مبطي وانا مخفي هيامي من سنين = عشت الامل مابين خوف وتعاسه
حبك اسرني يازعيم المزايين = واستيسر الخفاق ياقو باسه
بنيتلك في داخل القلب قصرين = قصرن على ساس المحبه اساسه
وقصرن عظيمن مابنوه السلاطين = قصرن من الاشواق شيدت ساسه