[محمد الفرحان]

.

.

13

البارحة عنزت للراس كفي=ونيت من باب الشرس والحماقه
حبيت ابين من خفوقي واخفي=ملامحٍ عن الاصدقاء والرفاقه
صديقي اللي لسانه يرفي=ولي صملت مني نوى لنسراقه
احسن يقفي عن طريقي واقفي=مستغنيٍ الله والا ذي الصداقه
ورفيقي اللي ما يوقف بصفي=لا يمتكن بيني وبينه علاقه
فرقاه ربح وجيته ما تشفي=الا الذي ماله على الشي طاقه
والا بعضهم للعلوم متلفي=لي جاه علمٍ حط فوقه وساقه
كبير قلبٍ في الحياة متعفي=راسٍ خلقه الله في جسم ناقه
لا مولعٍ نارٍ ولا هو مطفي=من حيث ما يصفق به الموج ساقه