غصبن عنى .. غصبن عـــنى .... لما بقولك ابعـــــــدى عنى
خفت عليكى من موج حـبى .... خفت عليكى تغرقى مــــنى
***
خايف سهم الحب يصيبك .... يدخل قلبك مــــش حايسيبك
يزرع ليلك حزن وحيره .... كف الامه تزيد تعذيبــــــك
وانت الحاجه الحلوة فى عمرى .... خايف ابقى الجرح ف ليلك
غصبن عنى بحـــــذر قلبك .... قبل ماقولك قربى مـــــــنى
خفت بحور الحب تشدك .... خفت عليكى .. تغرقى مــــنى
غصبن عنى
شايف قلبـــــك راجع تانى .... نجمة تنور ليل احزانى
شايفك غنوة جميلة وجايه .... تعزف ترقص على الحانى
خايف اضعف قدام حبـــك .... خايف ابقى ف حبى انانى
يام القلب الطاهر جدا .... ياللى ف قلبي العين والننى
انا ماقدرش اكون لك ابدا جرح لطير لساه بيغنى
غصبن عنى
*****