الاحبة الغالين اعتذر على الغياب
واتشرف بنثر هذه الصور امامكم
إن كانت الدنيا مدارس يامحمد أو عبر=انا اشهد ان خالك تخرّج من جميع فصولها
أخذت (ماجستير) في علم التجارب والقهر=من جامعة عمري وفكري وافتخر واقولها
المسأله ماهي وانا (خالك) تباهي أو فخر=المسأله وشلون تقدر تجتهد وتنولها
بشر,بشر, نخطي واذا قالوا خطاء قلنا بشر=هذي العبارة أثبتت عند العرب مفعولها
الغرب يطلع للقمر ويجيب للكوكب صور=صور مزاين أبلنا (أ)نياقها وفحولها
وصور ملاعب أندية فخمة وألاف الكور=وصور مزارع قاحله ماتت مع محصولها
وصور مئات من البشر متجمّعه سطر سطر=في إنتظار المطربة وان شرّفت فزّوا لها
وصور مشاهد مؤلمة للقدس في ضوء القمر=يعجز لسان الشعر يوصف هالصور من هولها!
وصور عراقي تغتصب أرضه وهو ياما صبر=يبكي على طفلة بريئة قطّعوا أرجولها
الله يامحمد احس بقشعريرة والشعر =ياقف لاني شفت مأساة اقرباها حولها
الأم تصرخ ماسكه في إيدها اليمنى حجر=وفي إيدها اليسرى ملابس بنتها و( نعولها)
والأب مات من القهر اليوم كمّل له شهر=والأخت طار حجابها واجزاء من مريولها
وصور ( مفاعل نووي) الله يكفينا الضرر=وصور عفيفة تشتكي لله من مسئولها
وصور لابو متعب يحاول للعرب يلقى مفر=لبيه ياصورة ( أبو متعب ) ويامدلولها
بشر,بشر, نخطي واذا قالوا خطاء قلنا بشر=هذي العبارة أثبتت عند العرب مفعولها