ليت الألم ماساد في ظلمة الحي = واسدل ستار الجور .. هم وشظايا
في كل شريان .. الألم يسبق الضي = يفرض على كل الجهات احتوايا
لو للخفوق بموطن الأوسمة شي = ماتاه حظ الحي عن كل غاية
شبت ضلوع الوجد في بصمة الغي = واضحت سيوف العولمة في حشايا
تكوي سمات الحي في خافقي كي = تنفي وجود الحي عن كل آية
أعظم مصيبة تطوي المرجلة طي = بنت بمزاياها تذوب الخطايا
أرض الغنادير احتوت منبع الري = وارض الرجولة عانقتها الزوايا
وين الرجولة ..؟ مالها عندنا أي = داعي .. إذا جارت دروب الخفايا