خلوني اسبه براحتي ... لا احد يقول بيزعل
يلعن ابو الحب لي جاك متأخر وابتلاك
تستحي تبدي شجونك خايف لا يكشفوك
كنه سيوف تقطع جوف صدرك وبحشاك
ما تبوح ابدا بهمك تهجر اللي يعرفوك
يتغير كل حالك وانت في لحظة هلاك
شايل سرك بقلبك تبتعد لا ينقدوك
تعتقد انك لوحدك من وقع في هالشباك
كم وقع قبلك وبعدك لو سألت يغششوك
يارداة الحظ ليمن وقتك الضايع رماك
بين رمش وبين عينٍ قادرين يعذبوك
مرة تفرح ومره تقول قلبي ياعساك
ماعرفت الحب واللي من سمومه شربوك
ان حكى معك اقرب اهلك كان بالرد ارتباك
شارد ذهنك خساره كأنهم ما يخبروك
تلعن ابو الحب كيف انه قدر فيك وطواك
وكيف هزتك الرياح اللي بها كم حذروك
عبدالله العقيل