[سعيد السالم]

سامحيني



كان قصدي لا لقيتك إني اضحك وتبسم
بس بدت دمعة ثقيلة وأفسدت ترحيب عيني


ما هو في يدي قرارك ولا والله إني لأقسم
أبقى عندك كل ليله وكل لحظاتي و سنيني


يا فرح عيدي و مناتي يا غلى غالي تجسم
بالوجود اللي برحيله يبتدي شوقي وحنيني


بس ردي قدهو ودي أطبع القبلات وأرسم
فوق خديك الجميلة ذكريات تدور فيني


إن وصل في هرج حدي أو بدا صمتي تكلم
صمت ناطق وش بديله شي مكتوب بجبيني


يا هلي يا جد جدي يا ضياي بليل أعسم
يا أمانيي الطويلة أنا لك كلي خذيني


يا منام بلون وردي يا كمال ما تقسم
ما بقا لي أي حيله معك أنا ذا الحين حيني