هذه القصيده قيلة في امسية مهرجان فبراير بمناسبة عيد التحرير
نظمت انا لكويتنا زين الاشعار = واهديتها في عيدها اليوم تعبير
مضمونها جيت احتفل فيك يادار = مبروك يادار الشيّم والمناعير
مية هلا بعيدك على الف مليار = وبكثرها مني انا للجماهير
تستاهلين المدح يابنت الاحرار = ياعل عيدك كل عامن على خير
للشيخ ابو ناصر تحيه ومقدار = الاجودي راع الكرم قايد الخير
الاجودي حرن ومن موكر احرار = وان هد للفزعات في هدته طير
يامير في صدري لكم نوط وشعار = متعلقن في اوسط القلب تقدير
سار القلم في رفعة الدار وان سار = تسري بنات الفكر تقطع مشاوير
بنشر غلاها وحبها عبر الاقمار = واشرح مدى حبي لها بالتصاوير
وعندي طلب تقدير لرواح الابرار = ياهل الدفاع اليوم صفو طوابير
خلو مضاد الجو بالجو دوّار = في عيدها خلو سماها نواوير
تقدير لهل الطيب وافين الاشبار = ومنها رساله للمعادين تحذير
اكويتنا نرخصلها كل الاعمار = ولجل الوطن حنا جنود المغاوير
نسقي عدو الدار من كاس الامرار = نضرب كيان المعتدي لانوا ايغير
نمشي على شان الوطن درب الاخطار = نمشي ولو كثرة علينا المخاسير
ســـاري ---(( هيكل الشمري ))--- القمـــرا