على وضح النقا حياك بين الفكر ولسانه = تقدم واكتشف سر الزمان اللي تحداني
انا وش لي بهالدنيا من الخانه الى الخانه = اذا ماسطر التاريخ باول سطر عنواني
كتبت من الحروف اشكال من دره ومرجانه = وكسبت من البشر عالم يشاركني بوجداني
اجر الصوت بالحالي واشوف الناس طربانه = والاقي في طربها صوت من شعري وقيفاني
عرفت ان الشعور اكبر علاقة حب فتانه = لذا رددت من قلبي عسى الله يحفظ إلساني
من التجريح والاسفاف والشيطان واعوانه = واكون الصارم المسلول لجل الدين بيماني
على مد البصر شفت الكلام يدور بالحانه = وانا ماني بالارهابي ولا املك فكر علماني
انا ترجمت بحساسي جميع اقوال مليانه = انا مسلم بأرض الله واعرف ان العمر فاني
الا يادورة الدنيا عسى منتي بغلطانه = اشوف الوقت نفس الوقت داخل عالمي الثاني
حسبتيها بحسبة عشق بين افلان وافلانه = واخذتيها بطيبة نفس من قولة على شاني
افل احجاج فالوادي واشوف القدس منهانه = واقول الله يصبرهم وكني غرت بحصاني
واذا كثّرت دعواتي حمدت الله سبحانه = اقول الحمد لك يارب انا مانيب لبناني
تفكك وانحلالٍ ماعرفنا وش على شانه = رئاسه او كلام اخر بحق الحزب الآيراني
ولاتزعل يانصر الله فداك الجيش واركانه = سياسة شاعرٍ يدرس سياسة كل يوناني
صحيح الوضع مايسمح مدامه صك بيبانه = ولكني ارستقراطي من يامي وقحطاني
رقينا المجد من كنا إلين الحين عنوانه = بيارق من بيارق من بيارق فوق بالعاني
شبابٍ يثبت بعزم الاراده مثل شيبانه = اقوله والله الوالي ولاغيره حدن ثاني
كذا ترجمت بحساسي جميع اقوال مليانه = انا مسلم بأرض الله واعرف ان العمر فاني