الا ليت الليال المدبره ترجع لنا الخلان
ترد الشوف لعيون الغرام بروح معشوقه
ذبحت القلب ياليلي دخيلك لي متى حرمان
وحتى النور في نفسي غديت اشفق على شروقه
تشوف الروح مسجونه ترى هذا الهوى سجان
سجينه في غرام انسان وضحكة فمي مسروقه
بكبل بالغلا يديني زماني والعنا قضبان
صراحه ينزف احساسي حرام الروح محروقه
تموت الصرخه بصدري تضيّع سكة البيبان
يضيع ابداخلي اسمه سجين القلب وعروقه
ترى لو لا العتب واللوم ابكشف عن غرام انسان
بردد احرفه فيني بنبض الحب وطروقه
وانا عقلي على كيفه نسى كل الصبر بجنان
وبرمي للغلا لثامي ببيع النفس في سوقه
ذبل وردي تعال ارجع عليّه ياالغلا شفقان
تعال ارجوك ما اتحمل ضلوع الصدر مسحوقه
وانا لا من رجعت احيا واعدد للحياه ازمان
وبكتب قصتي وياك بدم الشوق يا شوقه
الله الله
ياسلام عليك يالغاليه صح السانك ولاهنتي عليها رووعه جدا للأماته
تسلم يمينك عليها والله
التحيه لك