محاورة في قمة الروعه من شعراء ولا اروع
يسعدني ان اجمع ابيات المحاورة للاستمتاع بقراءتها
للشاعر خالد بن عاصم
عند الرجال الكرام الطيبين أهل المعاريـف=في منبع الشعر أببدى بالجزيل (إ)من السلامي
يالليل يالليل أنا شفت الذيابـه فالمشاريـف=والذيب ماله ياكود السيف قصّاص العظامي
للشاعر محمد الاسمري
عن ذا الرجال الكرام اليوم رديت المحاريف=يا مرحبا يا عميل الشعر والطرق النظامي
السوق غالي وخوفي تتعبك كثر المصاريف=والذيب ما يرهبه يا صاحبي راع الكلامي
للشاعر خالد بن عاصم
بين الرياجيل مانبغى هذاري مـع تصاريـف=وإبك البقا والعوارف هم يصيبـون المرامـي
السوق غالي من الماضي وفيه (إ)من التخاريف=يومك تكـب الشـداد وتلتفـت يـم المسامـي
للشاعر محمد الاسمري
ياهيه ياهيه لاتحسبّك قادر للبحر بالمغاريف=ارفق بحالك ترى منته خلف هذال ولا الزلامي
سوق الوسيمه وعطنا يالمغني وش حوته المزاريف=لا تنهب السوق يا رجال عيب أنك تعود حرامي
للشاعر خالد بن عاصم
لاتكسر الوزن ( ياشاعر ) .. تغطّى بالشراشيف=إرتاح ياخوك منته ضـاريٍ .. والعلـم حامـي
إن طعتني صيّف بـ/ لبنان والأ روح لـ/ جنيف=والظـن راع الحمامـه مايـرب الإ الحمـامـي
للشاعر محمد الاسمري
الشاعر اللي تلاحي في المواقف.. بيده السيف=والظاهر أنك تبا ترجع من الميراد ضامي
شيٍ تشوفه وشيٍ ياعميلي مابعد شيف=اعمى ولا تعرف الهدهد من الحر القطامي
للشاعر خالد بن عاصم
ياصحابنا يالرجال اللي يعرفـون المواقيـف=الشعر فتلٍ ونقضٍ مع وزن .. وأنته تمامي !!
شفت المصيبه يأبو زيد الهلالي بالمعازيـف=ضايع بدربٍ مع الشعّار مالـك والزحامـي
للشاعر محمد الاسمري
ولد الزنا يشغل العربان دايم.. كلمتـه زيـف=من دون ليدون والله مايجـوز الـه احترامـي
ولا ضاع غير اللقيط اللي مع العربان قد ضيف=يشوف حالـه ومثلـه مـا تحـزم بالحزامـي