[سالم محمد اليامي]

كيبورديه وهي الاخير لي هنااا


بسم الله الرحمن الرحيم
السلام عليكم ورحمة الله وبركاته

خصيتها بالحب والله اخصاصه=كن الله احياني لها بس مخصوص
اهيم في بحرٍ على الله خلاصه=وان جت علىّ باموت ماني بمخلوص
للي غلاها كنه ضربة ارصاصه=دشت على قلبي بلا اذن وفحوص
قبل اعرفها كان فيني حراصه=واليوم لا حارص ولاني بمحروص
وقبل اعرفها كنت ضابط اقناصه=واليوم قلبي في هوا الزين مقنوص
صرت اتبعثر فوق تمرة اخلاصه=وفي قلبها ابحر مع الدم واغوص
احس جسمي فيه صاير لقااصه=يعني تقول اني مثل شخص ملقوص
يامشعلتني بالغرام ومناصه=جسمك تخيلته مثل عود منصوص
جيتك وحلقي فيه عبرة اغصاصه=واصبحت بين الشوق والحب مغصوص
واصبحت هايم في زوايا اقلاصه =والفكر تايه واصبح الحال ممصوص
ولو كان قاض الحب اصدر اقصاصه=لي الشرف لا مت بالحب مقصوص

اخوكم

الراوي