دخيل الضحكه اللي كم ادورها وانا مضيـوم
دخيل الهمسه اللي تنعش الخافـق وتحيينـي
دخيل الكلمه اللي كل ما اسمعها تضيع علـوم
وأصيـر بعالـمٍ ثانـي أناجيـك وتناجينـي
دخيل الشوق لاهز الخفوق المغرم المحـروم
وتساقط بوحه المكنون حتـى انـه يبكينـي
دخيل الريح وانفاس الربيع وعشقك المفهوم
دخيل العشره وكل الغـلا مـا بينـك وبينـي
دخيل البسمه اللي من حلاها تشفي المهمـوم
دخيلك لاخـذاك الشـوق تكفـا لا تجافينـي
غلاك اللي تمكن بي واصبح بالحشا مرسـوم
سكن نبض الخفوق وزاحم الـدم بشرايينـي
تباهى ياغلااااي وعشقي وخل الغلااا مكتـوم
على روحي تراك تمون حتـى لـو تعنينـي
تصحيني طيوفك كل مايطـري علـي النـوم
انا لامرني طيفك يطير النـوم مـن عينـي
تعال انزل على حدب الضلوع ومنزلك معصوم
عن الواشين يا كل الغلاا من قلبـي لعينـي
تريح والشعر في حضرتي دايم يجي منضـوم
على ذكرى هوانا العـذب اغنيـك وتغنينـي
ياسلام عليك يالغاليه
صح السانك ولاهنتي والله عليها
استمتعت بقرائتها الف شكر لبوحك
التحيه والتقدير