شتت قلوب الناس حب المصالح = وأستفرد الحقد الدفين وبلاويه
لاني سعيد ولاانت يافلان فالح = دام الرجا بالخير تقتل خطاويه
يالابسين الزيف والقلب شالح = يامالكا" وجها" تلثم مساويه
الموت موت القلب لامات صالح = يموت حيا" منلعن جد ثاويه
يامرهي انواع الغتر والمشالح = ارهي لباس القلب واستر فجاويه
لو كان قلبك اسود اللون كالح = لا بيض الله وجه سودا" هقاويه
حلو اللقا مزيون والجوف مالح = مابه حلى طعم الردا فيه لاويه
رش الندا وأنثر عبير التصالح = وأستأثر بقول الخليل ودعاويه
أطيب تحيه للجميع
اختكمــ
نواره الوايليه