عطني لذيذ الكيف بكيّف الراس = وعطني مع الفنجال احسن قصيده
صح الله لسانك ولاهنت لا باس = مار انصحك ياصاحبي لاتعيده
الشعر فن وذوق واخلاق واحساس = كم شاعرن بيت الشعر مايجيده
جيد الحمامه وكرها دايم الساس = وجيد النداوي عالي الشين جيده
بيني وبينك يابعدي مامن اقياس = الفرق واضح بيننا يالوليده
لاتحسب ان الهرج بالناس نوماس = ولاتحسب ان افكار راسك سديده
الشعر صيد وراعي الشعر قرناس = شامخ واذا شاف السمينه يصيده
خطو الولد ياصاحبي يرفع الراس = كل ماتعب للطيب زوّد رصيده