مصافحه لقلوبكم
مابين الغرفه اللي تشتكي ظلمه..وصوت الريح=يمر وصوت شباكي ..وليلي..والأرق وانتي
أحسك عالمي ، واللي حمل شعري لك التوضيح=عساه ان جا لأسماعك تجيني ، وأسألك لنتي؟
تعبت من الحزن ، واللي طعني بالزمن تجريح=لقيته والسبب صدقي..وابيك بصدق لابنتي
أنا ماني مثل غيري يقوم بكذبته ويطيح=تمرجح بالقلوب المرهفه...انا جيتك اذا اذعنتي
إذا اذعنتي خذيني واضح ِ مايقبل التلميح=خذيني غارق بحبك ، وصادق دام ماشنتي
واذا انتي مثل غيرك توّهم بالسراب الشيح=ويبي يوهم عيوني ..لا..أنا ماابيك..لاكنتي
عليك الله وامان الله تجيني صادقه..وآبيح=بحبك للبشر ، وانتي أقول بحبي أعلنتي
وابطفي شمعداني..واغلق الشباك ..واسكت ريح=واصير بدنيتي أذكر وجودي والوله وانتي