متواضعه اضعها بين ايديكم
علها تصل إلى قلوبكم وترضي ذائقتكمــ
ويلان لاشلت يمين السنايد = خذها جزيله والقوافي عذيات
أنا أشهد أن الطيب فيكم عوايد = تستاهلون المدح ياأهل المروات
مايسبقك بالطيب كود الولايد = عيال وايل صاعدين الطويلات
فديت شعرا مستقيم العمايد = من بنت وايل والمعاني عظيمات
سجلت شعري ماطلبت الزهايد = صورت حلوات القوافي جميلات
من شانكم ياأهل القلوب الودايد = في مدحكم ترضخ جميع العبارات
أهل المروه شامخين وجلايد = متقلدين العز نعم الوجاهات
الشوق واجد والمحبه تزايد = والشعر وده يستهيض الخفيات
وده يسطر مابقلبي مدايد = ويسجل التاريخ عني كتابات
مافزت بحروب المعاني يارايد = ولاني من اللي يطلبون الشهادات
شعري حملته فوق متني مجايد = لعيون منهو يستحق العطيات
أخت الرجال المرهبين الشدايد = عيال وايل صانعين البطولات
ولايهــ ــون باقـــي القبـــ ــايل
إحتــرامي وتقديــ ـري للجمـ ـيع
اختكم
نواره الوايليه