ســـلام مني !!
سلام مني عد مالاحت بروق
وعداد همال المطر من سحابه
وعداد ماغاب وتزايد له الشوق
وعداد ماذقت الألم في غيابه
وعداد ماسالت دموعٍ من الموق
تعلن غضبها والحزن والكآبه
وعداد ماغنوا من القاف طاروق
وهاضت جروحٍ غافيه من عذابه
للغالي اللي إعتلى بمنزله فوق
للغالي اللي ماارتوي من عتابه
أعاهده باللي خلق فيني عروق
تنبض بحبٍ مااهتنى في شبابه
لأبقى على عهده ولا فيه مخلوق
غيره تربع بالخفوق ولجا به ..