[عقاب النهار]

المشاركة الأصلية كتبت بواسطة سالم محمد اليامي

صباح الخير


صلو على النبي

الوقـت يمضـي والليـالـي مدابـيـر=والجسم من زود الهوى ((هـد حيلـه))
تقبـل علـى همـوم بقعـا طوابـيـر=وتشـب صـدري مثـل شـب الفتيلـه
واصبر واقول بصمت((يالله عسى خير))=يمكـن مـع الأيــام تـاتـي قليـلـه
اشـوف نـاسٍ نعبـوهـا طراطـيـر=تبغـى تطيـح بـراس شاعـر قبيلـه
قولولهـم بـدري عليهـم ((وبكّيـر))=اهـل القلوب((الحاسـده والرذيـلـه))
مهما يطيـر ((البوم))ويطيـر ويطيـر(=(بينـي وبينـه الـف ليلـه وليلـه))
يامسـويٍ حالـك مثـل سالـم الزيـر=((الله يرحملـي زمــان الجليـلـه))
وانا شموخـي ماعلـي منـك ياصغيـر=((ادوس راس اللـي نوانـي بحيلـه))
ومـن لا يقـدر مالـقـى اي تقـديـر=تلغيـه كـل النـاس باسـرع وسيلـه
وانا ماقول اني ((انا حضـرة جريـر))=لاشـك لـي موقـع ورايـه طويـلـه
وانـا تـرى ماهمني((نافـخ الكيـر))=همي مـع اللـي لـه رمـوشٍ ظليلـه
اللـي غلاهـا فـاق حـد ((التعابيـر))=((مهره أصيله ايـه مهـره أصيلـه))
اللـي لمـن قالت((ابي))قلـت بيصيـر=تامر على اللـي بـس تبغـى الكحيلـه
ياويـل حالـي كـل ماقامـت تسـيـر=((لا والله الـى ويـل قلبـي ياويلـه))
تقول كنها مـن علـى القـاع بتطيـر=((ماتعتـرف بسلـوب لفـه وميلـه))
وأن سولفت يانـاس وشلـون باصيـر=يفقـد ((ابـو محمد))بقـايـا دليـلـه
ويضيق صدري لين ((افك الأزاريـر))=واسرج خيول الفكـر واجلـب حصيلـه
واجيه انا وحـروف شعـري مساييـر=نروى ونـروي كـل عـرق ومسيلـه
إذا زهمنـي قـلـت لـبـى وياخـيـر=امـر ولـو جـات السوالـف طويلـه
لو كنت انـا ويـاه ضمـن المشاهيـر=((والله يضيع القيـس وتضيـع ليلـه))
ولو كان تدخل فـي سبـاق الأساطيـر=((فازت فقـط باالثـام راقـي وشيلـه
((وانا بفوز بحرفنـة شاعـرٍٍ غيـر))=حرفٍ سلس واخـرى حـروفٍ جزيلـه
طغـت علـى كـل البنـات الغنـاديـر=((أم الحـلا وأم الغنـج والجميـلـه))
الشمس تبكي لـه مـع حـزة عصيـر=والليـل سامـر فـي روابـع جديـلـه
والثلـج ذايـب سايـح بجمـة البيـر=والنـار داعبـهـا نسـايـم عليـلـه
يسعـد صباحـه كـل ماغـرد الطيـ=رويسعـد مساهـا كـل يــومٍ وليـلـه
هـذا الهـوى والحـب مافيـه تفسيـر=تجعـل عيونـك مـن دموعـك ذليلـه
اقولهـا مـن قلـب صـادق وبضميـر=الله لا يقـطـع خـلـيـل بخلـيـلـه

عليه الصلاة والسلام
اقول الله يقبلك ياشيخ على
هذه الفاتنه والرائعه
صح قلبك ولسانك الف الف
واعتلا شانك
ولاهنت
اخوك
عقاب النهار