[جارالله الشدي]

السلام عليكم ورحمة الله وبركاته

إليكم آخر ما كتبت وأتمنى أن ترتقي لذائقتكم

/
\
/
\
/
التوبـــــه
\
/
\
/

خيانه تنتهي بجرحٍ وليلٍ يبتدي في هم=وصدقٍ صار يتزخرف مع إحكايات واكذوبه
بعد ماكنت أنا العاشق وأنا الفارس وأنا المغرم=عرفت إني بعد هذا مسكت الدنيا مقلوبه
أجاري كل خلاني وأغني (( يازمان أغنم))=أحسبن أن العرب مثلي تحب الخير والتوبه
وأثاري عشقي الأول جعلني في سؤال اعلم=هل تعلم لماذا ؟ ليش؟ هنا حسابات محسوبه
يذوقني الحلا مرٍ ويذوقني الحلا علقم=وأنا اللي كل أحاسيسي أسيره في غلا دروبه
هذاك اللي يناديني وأرد الصوت انا له سم=وإذا ماهي على سمٍ ألبيله وأنا صوبه
خيانه تنتهي لا لا .. خيانه تبتدي ياعم=كشفت أسرارها بيدي بعد ما باح بأسلوبه
خيانه تنتهي لا لا ..ينزف من عروقي دم=أبيها تذوق طعم الدم مدام الضو مشبوبه
مدام إني شربت السم أبيها تذوق طعم السم=بذوقها طعم سمي هنا نوبه.. هنا نوبه
بروضها غصب عنها.. بخليها كذا تهتم=أبسئل ويشهو ذنبي وبسئل ويشهي ذنوبه
وبعدد كل غلطاته .. وأبي تعرف عددها كم؟=بظهّر كل ما يخفى أبعرف قاصي عيوبه
بخليها تعرف إني أنطق بالحروف أبكم=بخليها تجاوبني مع أن العين محجوبه
بعلمها دروس الحب .. بقول لها((ترا تندم))=بعلمها محد ياخذ مقاسٍ غير عن ثوبه
بعلمها مرار الحب .. بعلمها صباح الغم=أبسقي عرقها الميت بعدها بعلن التوبه

وسلامة قلوبكم