لما طريق الحب ندانا..... رحنا لخطوة كتبها علينا
بعد يومين ف السكة رمانا.....للايام تتحكــــــم فينا
رحنا بدمعة وجينا بدمعة.....زى مارحنا زى ماجينا
***
كنّا ف بحر الوحدة ياقلبى.....حزن ودمع وحيرة ونار
واما لمحنا البدر بيرقص.....جوه عيونه ف احلى مدار
رحنا بتحضنا الاحــــــــلام.....يمكن تصـــــالحنا الايام
بعد سهرنا اكيد ح ننام..... والاحلام ترقص ف عينينا
***
قلنا ح ننسى ليالى الاه..... لما نعيش ف الجنة معاه
بعد الصبر اكيد حنعدى.....بحر الحزن للاحلى حياة
واما الحب اتحكم فينا.....صب كاسات الحزن علينا
رحنا بدمعة وجينا بدمعة..... زى مارحنا زى ماجينا
****