[بدويه]

السلام عليكم ورحمه الله وبركاته

قصيده / حدث

تلبيه لطلب أخي جمال العتيبي أطرح لكم هذهِ المتواضعه...


وأتمنى أن تجد أستحسانكم ورضاكم....

الدروب طوال والطّرقه عفاشي=والغياهب في بحورٍ لبدويّه
فزْ ياقافي قبل وقت الغباشي=وادْلهمْ وسقْ على دارٍ خفيّه
عِلّها من مرزماتٍ لاطشاشي =ليّن لصلباتها واكسر قويّه
ارضٍ بسومي فلا تسوى بلاشي=حنضلٍ باذر وطاها والرديّه
مايعلّي قيمته حُرْم النجاشي=لو مُرابين الوطا جوها حِفِيّه
افتحي صفحتْك جاك العلم كااشي=من اصيلة جدّ شمسه شعّ ضيّه[/color]
أعتزي باهلي بلا خوف ورباشي=واطْرف عيونٍ تغاميزه اذيّه
وافخر بعرقي اذا شدّ الهواشي=واعنااااا منهوه عليّا ساق غيّه
جاهلٍ ومْطير (مافيها نقاشي )=عند واجبها يسوقون المنيّه
مايخوّفني ولا يحْرك رماشي=غير ربي يالمعذْرب في خويّه
إفْهمه ياناقصٍ للبدْو ناشي =والحذر تلمس شموخ الجابريّه
من نويناه انْحرم نوم الفراشي=مايبلّ الرّيق من شربه هنيّه
ثاني الضربات ذي يابْن العشاشي=واوّل الضربات ((ردٍ للخطيّه))
وثالثتْهم كان عاودْت النباشي=تقْصم لظهْرك واظنّ انْها كِفِيّه