[سعود آل شافي]

متواضعه ارجو ان تحوز علي اعجابكم

خلاص ما تنفع معاي المعاذير = ولاني براجي واحد ٍ ما رجاني
معاد لك عندي مكانه وتقدير = ومعاد لك بالقلب عندي مكاني
أنا ارفعك وانته تحب المحادير= ومثلك مكانه دايمً في الطماني
من وين ماسرت الخيانه بك تسير = وما أني با اناني.. ولا احب الاناني
الي حصل منك بدون اي تبرير= لعبه ولكن شوف لك شخص ثاني
تصدق انك كنت في عيني كبير=وانك امل روحي وشمعه زماني
لين انقلب وضعك وشفتك مع الغير =يالعن ابو وحظ ٍ لمثلك حداني
ولو انك اجمل من علي الارض بيسير=والقلب صوبك ما ترده محاني
أني لا ادوسه غصب واقول لك طير=مانيب اهاوي واحد ٍ ماهواني
لو كنت قد الي نويت انه يصير= لا اعلمك وشلون ذبح الاماني
واعلمك ليل السهر والتعابير= ودمع ٍ علي خدك تهله عشاني
انا نسيتك لاتدور معاذير=وألغيتك من الذاكره والكياني
ما قدر الله انه يصير بيصير=خلك مكانك لاتجي في مكاني