لا تسرقين أحلام عمري وتروحين = لا تتركينـي للـحـزن والكـآبـه
أنا أنتظرتك سيدة حلمـي سنيـن = لا تمتلي عيونك غموض وغرابـه
قبل أعرفك وأنتي قبل لا تعرفيـن = كنّـا نتلاقـا بالـورق والكتـابـه
صحيـح إن الله خلقنـا بروحيـن = لكـن تـرى أرواحنـا إتشـابـه
حنّا نكمّـل بعضنـا لـو تحسّيـن = أنا المطر وأنتـي جنابـك سحابـه
كنت أقرا حبّك وأنتي بعيوني تقرين = كنت السؤال وكنتي إنتي الإجابـه
الله يـا قسـوه فـراق المحبيـن= هو يفقد العاشق بقايا صوابـه
الحب لا منّه جمـع بيـن قلبيـن = في كل نبضة حب يكـوي عذابـه
صحيح يفرق الجفا بين شخصيـن = بعض البشر ما ينتعـوّض غيابـه