[شيمة]

صوت النور حربي العامري
يطرز كلماتي ............ بشعاع من ذهب

يا مرحبا .. يا مستثير اشجوني=روحي على دربك .. ثبَت مسراها
انته هواي و غايتي .. و اجنوني=وانت المحبة .. تامر وتنهاها
لي سلهمت عينك .. تدك احصوني=وعذب ابتسامك .. هالعمر يفداها
لي شفت زولك .. قمت أجر الحوني=واشكي ونفسي .. تشتكي امّاياها
منهو شراتك .. من عساه ايكوني=ياللي بحسنك .. هالأمم تتباها
تليتني .. تلة حبيس اسجوني=عشرين عام .. ولا عرف دعواها
لبيه .. ياكل الغلا في كوني=لبيت لعيونك .. و أسدّ ابلاها
آمر تدلل .. مرحبا مليوني=ومليار يرضفهن .. ولا يوفاها

( كليك هنيه لتنزيل الأغنية بالضغط على داون لود )