/
\
/
مصافحتي الأولى بينكم اتمنى ان ترتقي لذائقتكم ..
تقول منهي شرفت راس مرقاب = والليل حولي مايبدل هدومه
مايجتمع والله حراً مع غراب = الحر حراً والرديا مهزومه
عيني سهيرة من عسيرات الانشاب = لاحت جروح القلب خارت عزومه
ولأحتمل جرح له سنين ماطاب = جرحاً على جرحاً ضلوعي مهشومه
منهو يقول ان الوفاء بين الاصحاب = سذّاج عقله يوهمنّه حلومه
أبعد عن الانذال وعن كل كذاب = ينكر جميلك يوم تقضي لزومه
خل النــذل لاتشتكي هم وعتاب = كلاً يبيع ويشتري في سهومه
أخذ الحذر حتى ولو كانوا أقراب = عن الرديا عز نفس محشومه
وأدعي إلاهٍ من ترجاه ماخاب = مابين كاف ونون تقشع غيومه
خذها نصيحه من تفاكير منصاب = ماقل دل الهرج وآخر علومه
مايجتمع والله حرا مع غراب = الحر حراً والرديا مهزومه
وسلامتكم
/
\
/