[سعيدالعمودي]

الليل يسرقني عن العالم هناك=
=والبرد غاوي والمشاعر عرايا
والريح تصحى كل مانام شباك=
=والناس نامت والسهر في سمايا
جوي غريب وعالمي ورد واشواك=
=حتى الخطايا تعتبر من خطايا
ليتك قبل ذاك المسا ماتت اخطاك=
=وريحتني من ذنب سود النوايا
ليت الزمن والابعد ليت الافلاك=
=انهت مشاوير التعب من ورايا
ياحلم مدري وين وداك مسراك=
=اليا متى وانا وقلبي ضحايا
تعبت اقول اهواك واموت بهواك=
=تعبت احاكي صورتك والهدايا
ارمي همومي للورق واتحراك=
=ودي تجي تجبر عزاك وعزايا
واقف وروحي بين وصلك وفرقاك=
=ارفق بحالي قبل سهم المنايا
تروح والقا ضيقتي في زواياك=
=واشوف بحضورك فرح بالزوايا
ماهو خطا لاقلت محتاج لقياك=
=لانك بداية فرحتي والنهايا
كلمة احبك لو لها وقع وادراك=
=تقلب موازينك وتروي ضمايا
بس الغلاكلمه علي هامش شفاك=
=تقولها لكن؟ولا انت معايا
واليوم مدري وين الايام تحداك=
=للعالم المجهول شد المطايا
واترك مآسي شاعرك بس يفداك=
=قلبي وشعري والسنين وعنايا