[سعيد الغامدي]

هذه القصيدة رثاء
في والدي الذي وافاه الأجل
يوم الجمعة 5/10/1427هـ
أسأل الله له ولوالدتي وجميع أموات
المسلمين الرحمة والمغفرة .

خلي ديوان القصيد وخلي منحار الدلالي = واشتكى الديوان يامشكاي من فرقى دلاله
غاب أبو صالح عقيد القوم زيزوم الرجالي =حاوي طيب العلوم وحاوي سر الرجاله
غاب زول الشيخ بعد الشيخ مدري وش بقالي = والذي مثلي نسى الماضي وضيع ما بقى له
يا بو صالح رحت عني صرت في الدنيا لحالي = اشتكى قلبي فراقك واشتكى من شين حاله
حالتي حالة سقيمٍ يشتكي طول الليالي = ما يعرف النوم يسهر ليله المضني لحاله
كنت فينا كل شي وكنت بين الناس غالي = يذكر الطيَّب بوقفاته وتشهد له فعاله
كنت بوي وكنت خوي وكنت عم وكنت خالي = يا شرف من كنت أبوه ويا سعد من كنت خاله
كل ما ذعذع نسيم وهب نسناس الشمالي = أتذكر يوم كنا وقتنا يحلا وصاله
يا كريم كنت أجيه ويلتقيني طيب فالي = كنت للقلب الحياه ولا لفاك يطيب فاله
كل شيٍ من يمينـك كـان للضيفـان حالـي = أشهد إنه ما عبـر كفـك مسـارات البخالـه
مدتك مدة كريم وعـن عطاهـا مـا تسالـي = كل ما مدت يمينـه مـا درت عنهـا شمالـه
اشتكت كل السوالف وأصبح الديوان خالي = وين من يعطي السوالف حقها لا جا مجاله
كن قلبي صار صحرا والفضاء والجو خالي = ويوم أدور ما أشوفك صار كل الكون عاله
لوتفدا سقت لاجلك كل مذخوري ومالي = وجاء سعيد بطيب نفس يسوق لك أغلى عياله
والله إن فراق مثلك طاقته فوق إحتمالي = لكن المولى كريم يزيد للقلب إحتماله

أخوكم

سعيد الغامدي

اسير الطيب