ان شفتكم بعد الفراقي=من فرحتي ترجف ايديني
رحبت ومرحب ٍ باقي=منك التراحيب تكفيني
يا مصدر الحب واشواقي=جدواك شوقي يعنيني
عقلي وروحي وخفاقي=تخالفوا بينك وبيني
يا سلوة الصدر لي ضاقي=نظرة عيونك اتسليني
ماتدري الشوق حراقي.؟=يامولعي ما تطفيني..!
انته على جاري الساقي=وانا الهجر منك يظميني
ان جف دجلة من العراقي..!=جفت محبتك من عيني
باقي على عهدكم باقي=ما انساك لو طالت اسنيني
ما يستوي تحرق اوراقي ..!!=في تالي الناس ترميني .؟