[علي عبدالرحمن الأسمري]

المشاركة الأصلية كتبت بواسطة كبرياء العتيبي

فــــــــالـــكم طيب//


متواضعه لمجرد التواصل

في ظـلام الإنتظـار وتحـت نـور القمـرا=الستايـر والشمـوع وزاويــات الغـرفـه
الأسـد والدلـو والجـوزا وبـرج الـعـذرا=سيّـرن واكتـظ فيهـنّ الفضـا والشـرفـه
بينهن شفته شفـوق وفـي عيونـه نظـرا=تحكي سنيـن الغيـاب اللـي طـواه وشفـه
قـال:يالله نفتـح كتـاب الـغـرام ونـقـرا=مابقـى بالقلـب صبرولابقـى بـي نطـفـه
قلت:نقـرا..وش ورانا..السنيـن وغـبـرا=وحظي أغبر من سنيني وانت هـات ووفـه
قال:لحظه..مالفيتـك مــن فـيـاحٍ قـفـرا=وانتي اللـي فالشدايـد وجهتـي يا(وطفـه)!
الغضب ماهوب طبعٍ لك وش اللـي يجـرا؟!!=وش حصل من يوم روّحت (وورا منخطفه)؟!!
قلت:دوك الوجد شوفه فـي ملامـح (عفـرا)=هاك بعض الدمـع لمّـه لاأنتثـر وارتشفـه
يمكـن إتـك لاوقفـت بماقفـي وانـت أدرا=تشعـر ببعـض الألـم وتـذوق ذل الوقفـه
هـذي طعونـك سنابلهـا بصـدري خضـرا=كل يوم أسنا لهـا مـن بيـر همـي رشفـه
ماضحك لي غير جرح وضحكته لـي صفـرا=ولاسكن بيـن الضلـوع إلا ونيـن ورجفـه
بسألـك بالله قلـي يـوم تنـوي المـسـرا=ليه تسـري والغبايـن فالحشـا مكتنفـه؟!!!
ليـه تتركنـي وانـا دونـي سنيـنٍ قشـرا=وجيت ابهرب ووقفتلـي بالطرايـق عجفـه
من شرع لك فالهبـوب قليب(ورعٍ)تـذرا؟!!=وين قلبك ماأحتواني يـوم اتـوق لعطفـه؟!!
قال:جيتـك ياغـلاي ..وكـل جـرح بيبـرا=وان سطابك في غيابي حزن جيـت بحتفـه!!
قال :شوفي..جيتك الليلـه بـورده حمـرا!!=وكرت فيه أبيات شعر ومدّهـن لـي بكفـه!!
وابتدا درس الغـرام وشـرح فـن الإغـرا=بين ..مشتاقه..وانا اكثر..والألـم والوصفـه
فجأه ...إهتـز الستـار ولاح نـور القمـرا=وانتبهت أثري أهوجس في ظلام الغرفـه!!!!

وسلامتكم

*

الله يصح لسانك ويعلي شانك

ولك خالص الود والتقدير