ترج الريح أنفاس الجوارح.. والنظر أوراق=وأنا ياما نزفت من العنا صيرورة كتابي
كذا شق الوهم مليون شارع في سما الأحداق=وطاحت صورة الحلم القديم بحضن أهدابي
وتل الجرح خنجر نصلها يغتالني.. سبــــّاق=كسر جذع الثبات اللي سند ظهري بمحرابي
وجيت أقطع مسافات الغياب وخان دربي .. ساق=تعثر بين تسبيح العذاب ... وزحمة غيابي
كذا نبض الرياح الممحلة تزهر بطبعٍ عاق=الين الأرض ما تصرخ بصوتٍ كيف سوّا بي؟!!!
أمانة يالظنون المتعبة يكفي الوهج حرّاق=نزفني ذا الوجع عشرين عامٍ من جفا أسبابي!!
هنا صار الألم يكشف على نزف الليالي .. ساق= خسى هذا الجنوح اللي وهبني غربة (اقرابي)
انا ما جيت في أصل الحكاية بين جرح فراق=أبد ماهي ظروفي طبعها .. لكن كذا أتعابي
واجي من عقب أسفار الليالي منتشي شـــّـفاق=متى هذا السهر اللي كسرني يرحم أهدابي؟!
وأجي لمخدة الليل الأليمة والألم مشتاق ..=سكونٍ يشبه الطفل الضحوك بشرفة أبوابي
هنا لا للمكان اللي كسبني من ثيابي رْفاق..=نسوني يوم ماشاخ الوجع أحكام .. واسرى بي
هنا حتى الصبح لو هوْ يفز مابين حلمٍ ..فاق=جيني يفتح أدراجه مكان ..يطيح يحيى بي
تنام الريح بأنفاس الحواري والحبر أوراق=وأنا قلت وكتبت من العنا صيرورة كتابي
.
.
المبدع
سالم السيفي
كل عام وانت بخير ومرحبا بك بحجم ماتمتلكه من ابداع
وتمير وكل الشكر لك على تشريفنا بقبول الدعوة والتواجد
في هذا الصرح الذييفخر بمعانقة ابداعات المميزين امثالك
وأنت صاحب الدار وكلنا ضيوفك. .
.
.
حضور للترحيب وسيكون لي عودة الى هذه الرائعة التي
تستحق المرور أكثر من مرة . . .
.
.