نسيت ما كن الهـوى بيننـا كـان=و اللي مضى من عهد حبك نسيتـه
ما ترخص دموعي على شان خوان=قلبي قسى من يوم غـدرك بديتـه
لو ينشدوني عنك و الله يـا فـلان=لاقول ليتـه مـات قولـوا ياليتـه
مابكيك لو شفتك مغطـى بالأكفـان=حاقد عليك القلب يـا مـن بليتـه
و ادعي عساك تكب في وسط نيران=و تندم على جرم(ن) بحقي جنيتـه
كرهت كل الناس من كـره إنسـان=و عزة إله الكـون حبـك وطيتـه
ما عاد أبي لك أي إسمٍ(ن) و عنوان=اسمك بقاموس البشر قـد محيتـه
خليتني بليّـا مشاعـر و وجـدان=و كل الحواس اليوم بي شبه ميتـه