[سلمان العتيبي]

المشاركة الأصلية كتبت بواسطة عادل السلطان

السلام عليكم ورحمة الله

كل عام وانتم بخير جميعا ً

والعذر من الاخوان خصوصا محمد وفهد ..على غياب قسري وعن النت عموما ً وهم ادرى بالظرووف

وهذه متواضعه اتمنى ان تنال الرضا ..وتكسب العذر لصاحبها

:

:

يالحاضر الغايب ، على درب الاطلال=زارت طيوفـك درب عابـر سبيِلـه
أكابدْ الخطوه علـى ضيقـة َ البـال=ياغايـة الغايـات ،، شوقـي وسيلـه
جاك المعنّـى يسكـبْ الدمـع همّـال=ماعاد له فـي عالـم العشـق حيلِـه
ياصاحبي ، منكم ، وفينـي ، ولازال=الهـمّ بـارق والمحـانـي مخيـلـه
اسطتْ رماحك راكـزه كنّهـا جبـال=وادمتْ خفـوقً شاكـي البعـدْ ويلـه
اصبح على مـوّال وامسـي بمـوّال=واغـازل البسمـه بـيـومً وليـلـه
اطرد سحاب الهجر في زرع الامـال=واعانـق اشباحـه بذكـرى جميلـه
وأرَبت على كتفي ، مع الدرب رحال=وامشي علـى جـال الهمـوم الثقيلـه
ياغايتـي ، والعهـد سايـر ومنـوال=على الوفا ، نبض المشاعـر صميلـه
مابين "شِمتة عاذل" و "كذب محتـال"=سلْـم الفـراق لهاجسـي مرتكيـلـه
النفس ضاقت بي على القيـل والقـال=و"كيف" الحزن مثقل على " كمّ " شيله
تعبَت يدينَ العشـق تكبيّـل الأغـلال=وتِعبت اهوجس فيك "وش تنتهي له؟"
باقي على عهدك وباقي علـى الحـال=تعال افيّض شعر مـن غـبّ سيلـه
تعال وأشرب لك من القلـب فنجـال=العشـق كيفـه وانـت بنّـه وهيلـه
اقِهر مسافات الهجـر وأنـت تختـال=وأروي ضُمى هالعشق مـن سلسبيلـه
ولا صار درب العشق أشواك ومحال؟=وصارت حبال الشوق معنـا بخيلـه؟
احلى الاماني ،، أصدقت فيها الأمثال؟=(( من قال قلب المهتوي هو دليله ؟ ))
ماعاد يعني لي سوى الكبـت مدهـال=ارقى على احزاني وأجـرّ الطويلـه
تبّت يدين العشق فـي كـل الأحـوال=دام المعنّـى ضـاع وأنهـدّ حَيـلـه
وياهاجري ، يقصر لك العمر أو طال؟=فضل القمر يرجع على " عتم " ليلـه

:

:

الحاضر الغائب :(

عادل

:

:

الله الله

الشاعر الرااااائع

عادل السلطان

مع كل حضور لك تزداد ثقتي بأن لك شأن قادم في الشعر

أنت مبدع

صح لسانك مليون

دمت بخير ...