[سلمان العتيبي]

المشاركة الأصلية كتبت بواسطة شيخة الشيخات

والله اني ذبيحك لين يوم النشور=والله اني ضحية شوقي اللي كساك
بين عدلك وظلمك بين حسنا وجور=بعت قرب الثريا يوم ريي عطاك
أفرش لنوم عينك بالدجى ثوب نور=ولك جلبنا المجرة تجري بمبتغاك
ولك بنيت الكرامة قصر عالي وسور=من ضلوعي جدار وموق عيني سماك
والله اني اغيب وتلتفت لي الحضور=كل ما مر ذكرك فز قلبي .. يباك
و أرحل بشوق قلبي طير كله كسور=ما تجبر جناحه .. وانتحى للهلاك
الله اللي خلقني كون ماطر شعور=آه يا ويل حالي .. كيف موتي هناك ..؟َ!
كيف زرع ٍ تماوج بيدك انته يبور..؟=شاب طفل المودة .. مات باول حماك
لي طرى لي جحودك ..؟ دم جرحي يثور=وتهمل دموع عيني .. نار تمحي غلاك
أبشر انّا انتهينا .. لين يوم النشور=باعك .. اللي نكرته .. يوم ربي عطاك

الله الله الله

الشاعره القديره

شيخة الشيخات

قصيده جميله جداً

وحضور لافت

صح لسانك مليووووووووون

دمتي بخير ...